(( اخــــــــتــلـــفــنا ))

اختلفنا

اختلفنا مين يحب الثاني أكثر .. وإتفقنا إنِّك أكثر وأنا أكثر
من عدد رملِ الصَّحاري .... و من المَطر أكثر وأكثر
كيف نخفي حُبنا والشَّوق فاضح ... وفي ملامحنا من الَّلهفه ملامح
عاشقين ونبضنا طفلٍ حنون .... لو تِزاعلنا يسامح
* * * * * *
هنَّني يالَّلي جميعي لك هَنا .. حطِّني بآخر مداي
طيرك الَّلي مايبي غيرك أنا .. ضُمِّني إنتَ فضاي
صدَّق إنَّي فيك مُغرم فيك ..
والحياة إيش الحياة .. إلاَّ مِشاهد ناظِريك
يانهارٍ لو تِغيب الشَّمس واضح
كيف نخفي حُبنا والشَّوق فاضح .. وفي ملامحنا من الَّلهفه ملامح
عاشقين ونبضنا طفلٍ حنون .. لو تِزاعلنا يسامح
* * * * * *
يَمَّك دروبي .. وكلِّ النَّاس يدروا بي و أنا أدري
كلِّ قلبٍ .. لَه حبيبه و إنتَ مَحبوبي
وتِدري .. مِن عُيونك صعب تِسرِقني سواليف البَشر
وأنا النِّظر و إنت .. لعيوني النَّظر
و الهِيام الَّلي سِكن فينا تعدَّانا وكُبر .. صار مِثل الرَّيح جامح
كيف نخفي حُبنا والشَّوق فاضح .. وفي ملامحنا من الَّلهفه ملامح
عاشقين ونبضنا طفلٍ حنون .. لو تِزاعلنا يسامح